Një aksident i rëndë ka ndodhur pas mesnate në Lushnje. Një automjet tip “Benz” është përplasur me një kamion që transportonte bimë medicinale.
Nga përplasja e fortë, dy drejtuesit e mjeteve kanë marrë plagë të rënda. Drejtuesi i mjetit tip “Benz”, 34-vjeçari Dorin L., është në gjendje më të rëndë për jetën.
Për nxjerrjen e tij nga mjeti është dashur ndërhyrja e forcave zjarrfikëse. I riu është dërguar në spitalin e Lushnjes.
Sipas hetimeve paraprake të policisë, Benzi ka goditur nga pas kamionin. Shkak i përplasjes dyshohet se është bërë shpejtësia e lartë.
