Një ngjarje e rëndë ka ndodhur ditën e sotme në hyrje të Miditës ku dy automjete janë përplasur më njëra-tjetrën kokë më kokë dhe si pasojë kanë mbetur të plagosur tre persona.
Autoritetet e Policisë dhe forcat e tjera të emergjencës kanë mbërritur menjëherë në vendin e ngjarjes ku kanë bërë të mundur transportimin e të plagosurve në ambientet e spitalit për të marrë trajtimin e duhur mjekësor.
Ndërkohë forcat zjarrfikëses kanë bërë të mundur nxjerrjen e trupave të bllokuar në automjetin e aksidentuar. Sipas informacioneve të marra mësohet se të plagosurit janë nisur për në spitalin e Traumës në kryeqytet.
Ende nuk dihet gjëndja shëndetësore e të plagosurve. Policia ka nisur hetimet për të zbuluar shkaqet e plota të aksidentit.
Informacion paraprak
Në afërsi të një karburanti, në Mirditë, automjeti me drejtues shtetasin F.M., është përplasur me automjetin me drejtues shtetasin P.Gj., ku si pasojë e përplasjes kanë marrë dëmtime dhe janë transportuar në spitalin e Traumës, Tiranë shtetasit P.P., dhe L.P., të cilët ishin pasagjerë në mjetin me drejtues shtetasin P.Gj.
Drejtuesit e mjeteve janë shoqëruar në Komisariatin e Policisë Mirditë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
