Dënimi me vdekje i pesë personave për vrasjen e gazetarit Jamal Khashoggi, shkaktoi një valë indinjate në të gjithë botën.
Kjo për shkak se dy njerëzit më besnik të princit të kurorës, këshilltari, Saud al-Qahtani dhe ish-mjeku Ahmed al-Assiri, u shpallën të pafajshëm.
Ky i fundit madje ishte në krye të shërbimeve sekrete dhe dyshohet se është një nga personat që kanë drejtuar operacionin në terren. OKB e ka dënuar ashpër vendimin, duke u shprehur se po bëhet për të mbuluar fajtorët e vërtetë.
Zëdhënësi i Sekretarit të Përgjithshëm të OKB, Stephane Dujarric, tha se vendimi është i papranueshëm.
Ai bëri me dije, se Sekretari i Përgjithshëm, kërkon një hetim të pavarurpër çështjen.
Edhe për Ankaranë zyrtare, vendimi i gjykatës saudite është larg pritshmërive.
Ndërsa për “Reporterët pa kufij”, dënimi është një përpjekje për të mbuluar vrasësit e vërtetë dhe për të heshtur përgjithmonë dëshmitarët.
Jamal Khashoggi ishte kolumnist i “Washington Post”, i cili në shkrimet e tij kritikonte ashpër regjimin e princit të kurorës saudite, Mohamed bin Salman.
