Moderatorja Luana Vjollca ka qënë shpesh pre e përndjekies dhe ngacmimeve nga fansat. Sërish moderatorja e njohur ka bërë një denoncim në polici për një person që e përndite vazhdimisht. Policia ka vënë në pranga një 29-vjeçar nga Kosovar në orët e para të mëngjesit të sotëm. I riu i arrestuar quhet Ajdin Morina dhe është 29 vjeç. Ai ishte i fiksuar me moderatoren, madje kishte shkuar edhe në banesën e saj për ta parë.
Në njoftimin e policisë thuhet se 29-vjeçari e përndiqte në mënyrë të vazhdueshme Luana Vjollcën dhe ajo e kishte denoncuar edhe më parë në maj të 2020-ës. Ndërkohë janë publikuar edhe foto të të riut, madje ai kishte shkuar edhe më larg duke bërë postime kërcënuese për moderatoren duke thënë se kush bashkëpunonte me të do të ketë masakra në familje. Një postim i tillë i përket tetorit të vitit të kaluar, ku ai shkruan se Luana Vjollca së bashku me motrën e saj Marina i servirin publikut produkte mediatike të papërshtatshme dhe kërcënonte këdo që do i ndiqte.
“Arrestohen në flagrancë 3 shtetas, për vepra të ndryshme penale.Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit A. M., 29 vjeç, banues në Gjakovë, Kosovë, pasi në mënyrë të vazhdueshme ka përndjekur një shtetase.Materialet iu referuan Prokurorisë së Rrethit Gjyqësor Tiranë, për veprime të mëtejshme hetimore”.- thuhet ne njoftimin e policise.
