Policia italiane ka bërë me dije se ka arrestuar një shqiptar pasi është përfshirë në një sherr më 3 tetor, duke plagosur një të mitur.
Sherri kishte ndodhur midis një familjeje shqiptare dhe një familjeje rumune ku pas ngjarjes ishin arrestuar disa persona.
Nga përleshja e dhunshme në Caprarola midis familjeve tre persona përfunduan në spital, mes tyre edhe një i mitur.
Karabinierët arrestuan menjëherë pas ngjarjes dy shqiptarë për dhunë dhe rezistencë ndaj një zyrtari publik dhe raportuan pesë shtetas të tjerë midis rumunëve dhe shqiptarëve (përfshirë të miturin e dëmtuar) për përleshjen duke i akuzuar ata edhe për tentativë vrasjeje dhe armëmbajtje pa leje.
/GazetaReforma.com/
