Prej disa javësh Greqia është në “luftë” me flakët që kanë shpërthyer në disa rajone të ndryshme të vendit. Gjatë 24 orëve të fundit situata është përkeqësuar, flakët kanë dalë jashtë kontrollit dhe janë përhapur në qindra kilometra. Disa pamje apokaliptike të postuara nga “Protothema” tregojnë situatën emergjente në të cilën ndodhet vendi. Në betejë me flakët janë vendosur 560 zjarrfikës, 16 ekipe pyjore, 1177 mjete tokësore dhe 32 ajrore.
Meterologët ngritën shqetësimin, pasi në vendin fqinj priten erëra të forta të cilat mund të favorizojnë përhapjen e flakëve. Sipas mediave greke, një tym i madh ka pushtuar vendin, i cili ka rritur rrezikun për personat që vuajnë nga sëmundje të ndryshme shëndetësore.
