Kreu i Partisë Demokratike, Lulzim Basha ka dal ditën e sotme në një konferencë për mediat nga selia e Partisë Demokratike, ku dhe ka theksuar se do të bëj gjithçka për të larguar kryeministrin Edi Rama nga pushteti.
Basha thotë se formalizmat e PPP-së së bashku me kriminelët e dosjes 184 të vjedhjes së zgjedhjeve në Dibër dhe të dosjes 339 të Shijakut së bashku me Rrahman Rrajën janë fatkeqësia më e madhe e këtij vendi sipas Bashës.
Ai ka vazhduar më tej duke thënë se do të bëjnë gjithçka për të larguar këta njerëz nga pushteti.
“Formalizimi i PPP-së, Rama-Doshi-Rakipi bashkë me kriminelët e dosjes 184 të vjedhjes së zgjedhjeve në Dibër dhe të 339 të Shijakut bashkë me Rrahman Rrajën janë fatkeqësia më e madhe për çdo shqiptar, janë fatkeqësia më e madhe. Qëllimi i kësaj PPP-je, pakice plaçkitësisht është të mbajnë pushtetin në kurriz dhe në kosto të familjeve shqiptare. Qëllimi ynë është të bëjmë gjithçka për t’i larguar këta armiq nga salla e parlamentit dhe për t’u kthyer shqiptarëve demokracinë”, ka deklaruar kreu i PD-së Lulzim Basha nga selia blu.
Ndërsa i pyetur për përjashtimin e ish-kryeministrit Sali Berisha, kreu i PD-së tha se nuk do të ketë kthim pas. A i më tej tha se nuk ka asgjë për të shtuar nga sa ka thënë një javë më parë në daljen publike ku lajmëroi edhe përjashtimin e tij nga grupi parlamentar i PD-së. Ai ka theksuar edhe një herë se aleanca e PD-së dhe SHBA-së duhet ët mbetet e pacenueshme.
“Nuk kam asgjë për t’i shtuar asaj që kam deklaruar një javë më parë sa i përket kontributit të Berishës sa i përket demokracisë dhe aleancës me SHBA. Dua të jem i qartë. Aleanca e PD me SHBA duhet të mbetet e pacënueshme në interesin më të mirë të demokratëve shqiptarë dhe të së nesërmes të Shqipërisë dhe shqiptarëve. Për këtë arsye ne bashkë me shqiptarët. Nuk ka kthim pas”, ka thënë Lulzim Basha.
