Përgjime të reja janë bërë publike mbrëmjen e sotme nga ish-deputeti i Partisë Demokratike, Ervin Salianji.
Nga studio e “Opinion”, Salianji ka nxjerrë telefonata të tjera, por këtë herë janë më të rënda.
Në përgjimet e siguruara prej tij, të cilat thotë se janë tashmë edhe në Prokurori, është një pjesë bisede që zhvillohet mes Fredi Alizotit, pra personit që tha se kishte bërë zërin e Agron Xhafës, vëllait të ish-ministrit dhe Albert Nushit, Drejtorit të Policisë së Fierit.
Për përgjim flitet për një paraqitje që Alizoti duhet të bëjë në Prokurori ku duhet të takojë “Gencin”, pra në Prokurori Fredi Alizotin e prisnin.
Biseda e zbardhur
Fredi Alizoti: Po
Albert Nushi (drejtor Policie): O Fredi po si je o?
Fredi Alizoti: Mirë, ja po shikon televizor.
Albert Nushi (drejtor Policie): O të lumtë?
Fredi Alizoti: Ca po bën, si kalon?
Albert Nushi (drejtor Policie): Mirë
Albert Nushi (drejtor Policie): Ëëë… Nesër paradite, sa më shpejt të mundesh, por jo më shumë se ora 10 do kesh me vete karta identiteti dhe pasaportën dhe do vesh të takosh prokurorin, Gencin. Mirë?
Fredi Alizoti: Në rregull, në rregull… Ça ore?
Albert Nushi (drejtor Policie): Po, jo më shumë se ora 10.
Fredi Alizoti: Dmth, të jem aty?
Albert Nushi (drejtor Policie): Të jesh, atje po.
Fredi Alizoti: Po në rregull.
Albert Nushi (drejtor Policie): Mirë?
Fredi Alizoti: Në rregull, pa merak
Albert Nushi (drejtor Policie): Ta quaj të mbaruar këtë
Fredi Alizoti: Po mbaroje, pa merak
Albert Nushi (drejtor Policie): Hajt, hajt…
Dhe pasi kalojmë këtë pikë, Salianji shprehet se kjo telefonatë e tregon hapur se gjithçka ka qenë e përllogaritur.
“Që të shkosh në prokurori, ky është i dyshuar. Në këto moment ky nuk arrestohet por… në datën 7 ky i thotë shko fol me prokurorin. Ky flet dhe me prokurorin, por s’ka asnjë akt në dosje. Ky shkon aty si shoku i atyre”, tha Salianji.
Një tjetër përgjim mes tyre
Albert Nushi (drejtor Policie): Alo? Mirëmbrëma
Fredi Alizoti: Fredi, Fredi Alizoti jam. Si kalove?
Albert Nushi (drejtor Policie): Mirë ça bën ti?
Fredi Alizoti: Ja po pi një kafe këtu tek lagjja
Albert Nushi (drejtor Policie): Mirë je?
Fredi Alizoti: Mirë jam, mirë… Top fare
Albert Nushi (drejtor Policie): Dukesh, dukesh…
Fredi Alizoti: (Të qeshura) Si të kam, mirë je?
Albert Nushi (drejtor Policie): Mirë, mirë…
Fredi Alizoti: Kot për respekt, për respekt të morra.
Albert Nushi (drejtor Policie): Rrofsh, rrofsh
Fredi Alizoti: Kalofsh mirë… Po pata ndonjë gjë, e di vetë ti?
Albert Nushi (drejtor Policie): Mirë, mirë dakord.
