Esmeralda Cami Keshi do të jetë zëvendësuesja e Gentian Osmanit në Këshillin e Lartë të Prokurorisë.
Osmani u shkarkua në shkallën e dytë të vettingut, në Kolegjin e Posaçëm të Apelimit.
Cami mori 133 vota, në krahasim me rivalin e saj, Vladimir Mara, i cili mori 109.
Ndërkohë 11 vota u shpallën të pavlefshme, shkruan “Faxnews”.
Nga votimi u përjashtua drejtuesja e Krimeve të Rënda, Donika Prela, pasi erdhi me vonesë.
Esmeralda Keshi dha dorëheqjen nga drejtimi i Prokurorisë së Dibrës dhe ishte në qendër të vëmendjes pas transferimit të dosjes ‘184’ në Dibër, për konflikt interesi.
Nga ana tjetër Vladimir Mara garoi për KLP-në, pas dështimit për t’u bërë pjesë e SPAK.
