Presidenti turk Rexhep Tajip Erdogan, i cili ka nisur takimet për të rregulluar marrëdhëniet e përkeqësuara të Turqisë me partnerët e saj perëndimorë, tha të hënën se një ringjallje e dialogut me anëtarin tjetër të NATO-s Greqinë për të zgjidhur mosmarrëveshjet e gjata do t’i shërbejë “stabilitetit dhe prosperitetit” në rajon.
Erdogan dhe kryeminitsri grek Kyriakos Mitrotakis u takuan ditën e sotme me njëri-tjetrin. Takimi midis, tyre u zhvillua në një atmosferë pozitive dhe zgjati një orë.
Burimet nga qeveria greke thonë se akulli është thyer dhe të dy kryetarët e shteteve ranë dakord të linin pas tensionin e vitit 2020, pavarësisht nga ndryshimet shumë të rëndësishme që ekzistojnë.
Presidenti turk pritet të japë një konferencë shtypi më vonë, ku ai gjithashtu pritet t’i referohet takimit të tij me Kryeministrin Kyriakos Mitsotakis.
Më parë, megjithatë, ai ishte përpjekur të tregonte një qasje kompromentuese, duke folur në një ngjarje të Fondit Gjerman Marshall, në periferi të samitit të NATO-s.
Në funksion të takimeve me Kyriakos Mitsotakis dhe kryesisht me presidentin e SHBA-ve, Joe Biden, ai e përshkroi Greqinë si një “aleat” të NATO-s, ndërsa deklaroi se rinisja e dialogut midis Greqisë dhe Turqisë dhe zgjidhja e çështjeve dypalësh, siç tha ai, do të promovojë stabilitetin dhe prosperitetin në rajon.
