Kryeministri Edi Rama ka përfunduar takimin e tij me kancelaren gjermane Angela Merkel.
Rama ka qenë i pranishëm në Berlin, për të folur rreth ndihmave që Gjermania do të japë për Shqipërinë për ndërtimet pas tërmetit tragjik të 26 nëntorit 2019, që la pas 51 viktima.
Më herë Rama dhe Merkel zhvilluan një konferencë për shtyp, ku kancelarja shprehu edhe një herë mbështetjen e saj për vendin tonë.
Ky takim është përkrahur edhe nga presidenti Meta, i cili ka publikuar një foto nga Berlini( të Ramës me Merkelin), ku falenderon Gjermaninë për ndihmën.
Pak minuta më parë Rama ka publikuar një video krah Merkelit.
Ata shfaqen duke biseduar, teksa ecin në drejtim të makinës.
https://www.facebook.com/138734771522/posts/10157378860661523/
Rama e cilëson Merkelin një mbështetëse të vyer të vendit tonë.
“Berlin 27 janar 2020 – Përmbyllja e një vizite shumë të dobishme. Si gjithmonë Kancelarja Merkel një mbeshtetëse e vyer e Shqipërisë, e shqiptarëve dhe e përpjekjeve tona për të zhvilluar vendin, për të paqtuar rajonin dhe shtruar hap pas hapi, rrugën e integrimit në Bashkimin Europian.”
Kujtojmë se para disa ditësh kreu i qeverisë zhvilloi një takim në Romë, ku mori miratimin nga Italia për mbështetje në Konferencën e Donatorëve.
Pas vizitës së sotme në shtetin gjerman, Rama do të shkojë në Bruksel për t’u takuar me presidenten e Komisionit Evropian Ursula von der Leyen.
