Në prangat e policisë së Pogradecit ka rënë një 49-vjeçar, i cili po transportonte 56 klandestinë.
Mësohet se një kamion me targa shqiptare është ndaluar në postbllok në qytetin juglindor dhe pas një kontrolli të ushtruar nga policia, u zbulua se ai po transportonte klandestinë.
Në vijim të operacionit të koduar “Perimetri”, në prangat e policisë ka rënë shtetasi me inicialet S.Q., 49-vjeç nga Kamëza.Shërbimet e policisë kanë kapur në lagjen nr. 3, Pogradec, shtetasin e mësipërm duke transportuar në drejtim të Tiranës, me mjetin kamion të markës “Benz”, 56 emigrantë të paligjshëm, të cilëve kundrejt shpërblimit 200 euro secilit, iu kishte premtuar kalimin drejt vendeve të BE-së.
Policia ndërkohë vijon hetimet për të kapur edhe autorët e tjerë të përfshirë.
Njoftimi nga Polcia
Qarku Korçë
Vijon operacioni policor “Perimetri”.
U kap duke transportuar 56 emigrantë të paligjshëm, vihet në pranga 1 shtetas.
Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, në vijim të operacionit të koduar “Perimetri”, kanë goditur një tjetër rast të aktivitetit kriminal të dhënies së ndihmës shtetasve të huaj, për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit S. Q., 49 vjeç, banues në Kamëz, Tiranë.
Shërbimet e policisë kanë kapur në lagjen nr. 3, Pogradec, shtetasin e mësipërm duke transportuar në drejtim të Tiranës, me mjetin kamion të markës “Benz”, 56 emigrantë të paligjshëm, të cilëve kundrejt shpërblimit 200 euro secilit, iu kishte premtuar kalimin drejt vendeve të BE-së.
Materialet i kaluan Prokurorisë së Rrethit Gjyqësor Pogradec për veprime të mëtejshme hetimore.
