Stërvitja “Defender 21” ka përfunuar. Lajmin e ka bërë të ditur ambasada Amerikane me anë të një njoftimi në rrejtet sociale, ku shkruan se kjo ishte hera e parë që operacione të përbashkëta logjistike nga deti në breg ekzekutoheshin në Evropë që prej Luftës së Dytë Botërore. Ambasada shkruan se SHBA-të, aleatët e NATO-s dhe partnerët e tjerë punuan së bashku për të përforcuar marrëdhëniet mes tyre dhe për të demostruar se së bashku janë më të fortë.
Njoftimi i Ambasadës:
| DEFENDER-Europe 21 nisi në Shqipëri me ekzekutimin e operacioneve të përbashkëta logjistike nga deti në breg në Portin e Durrësit. Gjatë operacionit, Anija Detare e Shteteve të Bashkuara Bob Hope, anija më e madhe strategjike transportuese e SHBA, shkarkoi mbi 1000 pajisje të rënda në anije më të vogla, të cilat e transferuan ngarkesën në breg për vijuar më tej. Kjo ishte hera e parë që operacione të përbashkëta logjistike nga deti në breg ekzekutoheshin në Evropë që prej Luftës së Dytë Botërore. Ndërsa aktivitetet e DEFENDER-21 në të gjithë Evropën po vijnë drejt mbylljes, mësoni më shumë se si Shtetet e Bashkuara, aleatët e NATO-s dhe partnerët punuan së bashku përgjatë kësaj stërvitjeje vjetore shumëkombëshe të përbashkët e në shkallë të gjerë”, thuhet në njoftimin e Ambasadës.
