Mbërmja e së martës ne Champions league ka dhuruar emocione dhe rezultate të papritura. Dy takimet që janë zhvilluar për raundin e 1/8-ave kanë pasur gola dhe surpriza. Gjigantët e Barcelonës humbën në mënyrë turpëruese në shtëpi, ndaj rivalit francez të Paris Saint German. Miqtë arritën të merrnin një fitore bindëse ndaj blaugranasve në stadiumin Camp Nou. Në mungesë të yllit Neymar, parizienët ia dolën që të mposhtnin katalanasit me rezltatin 4 me 1 në shtëpinë e tyre. Braziliani nuk mundi të ishte i pranishëm në ndeshjen ndaj ish-skuadrës së tij për shkak të një dëmtimi. Ka qenë Kilian Mbape ai që ka dhuruar spektakël duke shënuar plot tre herë në portën e Ter Shtegen. Futbollisti italian Kean shënoi golin e katërt duke e bërë të pavlerë golin e kapitenit blaugran, Lionel Messi.
Ndërkohë, ndeshja tjetër mes gjermanëve të Leipzeig dhe anglezëve të Liverpul përfundoi pa shumë surpriza. Skuadra e drejtuar nga Jurgen Klop fitoi pa shumë probleme me rezultatin 2 me 0 me gola të Sadio Mane dhe Mohamed Salah.
Këto nuk janë rezultatet përfundimtare pasi pritet ende të luhen ndeshjet e kthimit. Ndërkohë që Liverpul e ka më të sigurtë kualifikimin, Barcelona duhet të bëjë një përmbysje të madhe që të kalojë në raundin tjetër. por kujtojmë që katalanasit e kanë mundur edhe herë tjetër PSG-ënë pasi më parë kishin humbur me rezultat të thellë.
