Zjarret nuk janë problem vetëm më stinën e nxehtë të verës, por mesa duket edhe në këtë periudhë. Pasditen e sotme është njoftuar për një zjarr të përmasave shumë të mëdha në një zonë të pyllëzuar të fshatit Gjadër në Lezhë.
Sipas Shqiptarja.com zjarri fatmirësisht nuk ka arritur në zonat e banuara dhe deri më tani nuk ka pasur njerëz të lënduar.
Mirëpo problem është terreni, gjë që ka vështirësuar edhe ndërhyrjen e forcave zjarrfikëse edhe pse pas shumë përpjekjeve është bërë e mundur që flakët të vendosen nën kontroll.
Ende nuk ka një shkak të qartë të ngjarjes, por policia është duke e hetuar.
