Sergio Perez është fitues i Çmimit të Madh të Azerbajxhanit, i ndjekur nga Vettel dhe Gasly që plotësoi podiumin në vendin e tretë. Leëis Hamilton arriti të renditej vetëm në vendin e 15-të. Verstappen nga ana tjetër, mbetet në krye të renditjes së shoferëve edhe pse nuk arriti ta mbyllte garën.
Për Aston Martin ky ishte podiumi i tyre të parë F1 dhe Red Bull vazhdon të ruajë epërsinë në kampionatin e konstruktorëve, ndërsa Mercedes shkon në shtëpi pa pikë. Për Vettel kjo ishte gara më mirë që nga Meksika 2019.
“Normalisht Baku është goxha i çmendur. Më duhet t’i kërkojë falje Maksit, do të kishte qenë e pabesueshme të fitonim dy vende në podium për ekipin. Por në fund, ishte një ditë fantastike për ne. Ne ishim afër tërheqjes së makinës nga gara por për fat të mirë arritëm ta përfundonim. Kjo është padyshim një nxitje e fortë e besimit për veten time”, tha meksikani në përfundim.
Nga ana tjetër, Vettel që u rendit i dyti, tha se ishte shumë i lumtur për rezultatin.
“Podiumi i parë është një punë e madhe për ekipin. Ne patëm një fillim të mirë, bëmë disa pozicione dhe u kujdesëm për gomat tona. Ne kishim ritëm vërtet të mirë në rifillimin [e parë], i cili ishte i shkëlqyeshëm për mua, duke më dhënë dy pozicione të tjera. Ne i ruajtëm mirë gomat dhe ky ishte sekreti i ritmit që kishim. Ishte një ditë e shkëlqyeshme në përgjithësi. Unë jam shumë i lumtur për veten time dhe për ekipin, ishte shumë mirë. Ne me të vërtetë nuk e prisnim podiumin “, tha gjermani.
