20-vjeçari shqiptar, Aleksandër Luca, u dënua pak ditë më parë me burgim të përjetshëm, së bashku me mikun e tij grek, Manolis Koukouras.
Dy të rinjtë akuzohen për vrasjen e studentes 21-vjeçare, Eleni Topaloudi.
Mësohet se 20-vjeçari shqiptar ka rënë pre e një sulmi fizik në ambientet e brendshme të burgut ku vuan dënimin.
Mediat greke raportojnë se Luca është përdhunuar në qeli nga të burgosurit e tjerë.
Kanë qenë mjekët e burgut që kanë konfirmuar përdhunimin e të riut shqiptar, i cili u dhunua edhe disa muaj më parë në burgun e Avlonës, para se të jepej verdikti final i drejtësisë greke.
Mjekët zbuluan se ai kishte një rruazë anale të prishur.
Sipas portalit grek “Loutraki”, Luca ishte ankuar se ishte përdhunuar, pasi ishte zgjuar në mëngjes në një vend tjetër pa pantallona dhe mbathje.
Autoritetet greke kanë nisur hetimet për këtë ngjarje.
Kujtojmë këtu se studentja greke u vra mbrëmjen e 28 nëntorit 2018.
Trupi i saj u gjet i hedhur në shkëmbinj në det. Pasi ishte dhunuar nga dy të rinjtë, ata i kishin lidhur këmbët, e kishin goditur në kokë dhe më pas trupin e kishin hedhur në det.
Nga ekspertiza rezultoi se në momentin kur ishte hedhur në det, e reja ishte ende gjallë por ishte mbytur në det pasi nga dëmtimet e marra nuk kishte mundur që të notonte.
