Ditën e nesërme Shqipëria do të përballet me Francën, në stadiumin e ri Kombëtar.
Ndeshje me “gjelat” do të inaugurojë edhe impiantin e ri, “Air Albania Stadium”.
Kjo ndeshje është e vlefshme për eleminatoret e Euro 2020, ku Shqipëria matematikisht është jashtë gare.
Policia ka ndërmarrë një sërë masash, për të siguruar mbarëvajtjen e këtij aktiviteti.
Në njoftimin e policisë, janë të përcaktuara edhe akset e lira dhe ato ku do të kufizohet qarkullimi i mjeteve.
Gjithashtu, që nga ora 17:30, do të bllokohet e gjithë zona përreth stadiumit, pasi do të bëhet orientimi i tifozerisë.
Futja e tifozëve në stadium, do të fillojë pas orës 18:30.
Policia u ka bërë thirrje tifozëve të pajisen me mjet identifikimi dhe të mos mbajnë me vete sende të forta.
