Janë bërë publike pamjet ku një 25-vjeçare ka qenë në duke u mbytur në një pishinë në periferi të kryeqytetit. Mësohet se bëhet fjalë për 25-vjeçaren Enkeleda Trungu, e cila ka qenë duke u larë në pishinë së bashku me një djalë, e tksa për një moment ajo fillon të zhytet.
Në pamjet e siguruara nga AbcNews duket qarë momenti kur Trungu futet në pishinë me 33-vjeçarin Orjolin Mete, i cili mban në duar një telefon dhe është duke filmuar zhytjet e vajzës. Të rinjtë qëndrojnë dias minuta në pjesën e cekët të pishinës derisa një moment vajza zhytet dh nuk del dot më. Ndërkohë vërehet se asnjë person i stafit nuk është për tu kujdesur apo për të vrojtuar ato që frekuentojnë pishinën. Siç vërehet edhe nga pamjet të rinjtë janë vetëmdhe nuk ka asnjë njeri përreth pasi moti është i vrenjtur, madje nisin edhe rreshje shiu. Mete tenton disa herë që t shpëtojë vajzën e cila po mbytej por pa rezultat deh mesa mësohet në dëshminë e tij ai është shprehur se nuk din not, prandaj nuk i ka dhënë dot ndihmë vajzës. Ndonëse djali sheh përreth dhe thërret që dikush ta ndihmojë, pak më vonë shfaqet stafi dhe nisin të zhyten në ujë, ndërsa nxjerrin nga pishina vajzën. Më pas ata nisin që t’i bëjnë 25-vjeçares frymëmarrje artificiale, për të bërë të mundur nxjerrjen e ujit që ajo kishte pirë. Tashmë e reja ndodhet në gjendje të rëndë në spital, ndërsa në kërkim është shpallur administratori i kompleksit, Ylli Hidri. Ky i fundit akuzohet për “shkelje të rregullave të mbrojtjes në punë”.
