Para disa ditësh shumë qytetarë u përplasën me policinë, në disa qytete të Shqipërisë. Ata tentuan të largonin me forcë materialet zgjedhore të KZAZ-ve.
E ndërsa ditën e sotme, personat e ndaluar për përplasjet që ndodhën në qytetin e Shkodrës kanë dalë përpara gjykatës.
Seanca është zhvilluar nënë masa të rrepta sigurie. Aktualisht është dhënë masa për 5 nga të arrestuarit. Për Alfred Nikollin dhe Gentian Bytyqin, gjykata ka vendosur burg me afat për 30 ditë.
Ndërkohë në arrest shtëpie janë lënë Adi Garuci e Aleks Ndoji, ndërsa për Orlando Thepin i cili është i mitur, gjykata ka vendosur detyrim paraqitje.
Vendimi për ish-deputetin e PD-së, Fatbardh Spahinë nuk është dhënë ende dhe pritet me shumë interes.
Të arrestuarit akuzohen për trazirat dhe djegien e KZAZ-së në shkollën “Shejnaze Juka”.
