Kina po zgjeron arsenalin e saj bërthamor shumë më shpejt se sa pritej, duke ngushtuar hendekun me Shtetet e Bashkuara, tha Pentagoni në një raport të botuar të mërkurën më 3 nëntor.
Kina mund të ketë 700 matriale bërthamore të dorëzueshme deri në vitin 2027 dhe mund të arrijë në 1000 deri në vitin 2030 – një arsenal dy herë e gjysmë më i madh se sa parashikoi Pentagoni vetëm një vit më parë, sipas raportit.
Republika Popullore e Kinës po investon dhe zgjeron numrin e platformave të saj të shpërndarjes bërthamore me bazë tokësore, detare dhe ajrore dhe po ndërton infrastrukturën e nevojshme për të mbështetur këtë zgjerim të madh të forcave të saj bërthamore. Vlerësimi erdhi në raportin vjetor të Departamentit të Mbrojtjes së SHBA për Kongresin mbi zhvillimet ushtarake kineze.
Ashtu si Shtetet e Bashkuara dhe Rusia, dy fuqitë kryesore bërthamore, Kina po ndërton një “treshe bërthamore”, me aftësi për të ofruar armë bërthamore nga raketat balistike me bazë tokësore, nga raketat e lëshuara nga ajri dhe nga nëndetëset, thuhej në raport.
Raporti theksonte se Kina nuk ka të ngjarë të kërkojë një aftësi për të nisur një sulm të paprovokuar bërthamor ndaj një kundërshtari të armatosur bërthamor – kryesisht Shtetet e Bashkuara – por donte të pengonte sulmet nga të tjerët duke mbajtur një kërcënim të besueshëm të hakmarrjes bërthamore.
Një vit më parë, raporti i Pentagonit për Kinën tha se vendi kishte rreth 200 materale bërthamore luftarake të disponueshme dhe do ta dyfishonte atë deri në vitin 2030.
