fbpx

Pëllumb Pipero ndryshon versionin/ Pranon se ishte në Itali pas infektimit me COVID-19

Google+ Pinterest LinkedIn Tumblr +

Mjeku Pëllumb Pipero kishte deklaruar më herët se nuk kishte shkuar në Itali për t’u kuruar nga COVID-19, përkundrazi ai kishte qëndruar gjatë gjithë kohës në Shqipëri. Por ditën e sotme ai e ndryshoi disi këtë deklaratë, duke thënë se kishte shkuar në Itali pasi kreu tre tamponë të cilët rezultuan negativë. Pipero ka thënë në Abc News se ka shkuar tre ditë te vajza, por jo për t’u kuruar. Mjeku ka treguar se është konsultuar me një koleg nga Turqia në telefon dhe me një shqiptar që punon në Itali. Ai mohon të ketë shkuar në spital apo të ketë kryer vizita në Itali.

“Unë kam bërë vaksinën në datën 11, kam dalë pozitiv në datën 25. Jam mjekuar për rresht 12 ditë në kushte shtëpie i ndjekur nga kolegë të mi. Kam bërë 3 tamponë njëri-pas tjetrit dhe pas kësaj kam shkuar tre ditë tek vajza, jo për tu kuruar. Dhe kam thënë se nëse dikush gjen një sekuencë, apo një tregues që Pipero ka vënë këmbën në një spital apo me një mjek italian, them që Pëllumb Pipero nuk del më në asnjë dritare televizive. I vetmi mjek me të cilin jam konsultuar në telefon ka qenë një koleg i imi në Turqi, një koleg shqiptar që punon në Itali dhe tek koka më kanë qëndruar dy infermierë. Pra jam mjekuar në Shqipëri, ta verifikojnë si të duan dhe do të më vinte keq që dikush të aludonte ndryshe,”– tha Pipero.

Më parë në emisionin “Open” Pipero kishte thënë se nuk ishte e vërtetë se ai kishte shkuar në Itali për mjekim, por me sa duket gjërat paskan qenë ndryshe. Madje kur në media dolën zëra se ai ishte në intubim në në një klinikë në Itali, ai bëri një postim ku shkruante se ndodhej në Razmë, ku po merrte veten. Ky version ndryshoi ditën e sotme, dhe ende nuk e dimë si qëndron e vërteta.

 

Shpërndaje
Share.

Komento