Partia Demokratike publikoi video që paralajmëroi pak më parë në një konferencë për mediat Sekretari i Përgjithshëm i PD-së, Gazmend Bardhi. PD-ja me anë të një postimi në rrjetet sociale ka shkruar se këto janë prova dhe dëshmi të bandave për të vjedhur votat.
Ndërsa ka publikuar foto dhe video nga një grup i Whatsapp, ku thotë se këshilltarja e Ministres së Infrastrukturës, Belinda Balluku, Laureta Omeri ekzekuton prej më shumë se një muaj skemën e blerjes së votave, duke legalizuar banesa në këmbim të votave.
Postimi i plotë i Partisë Demokratike
Si kanë vepruar bandat e pushtetit për të vjedhur dhe blerë rezultatet e zgjedhjeve, Balluku dhe këshilltarja legalizuan banesa në këmbim të votave
PD: Çdo ditë dalin në pah fakte, prova dhe dëshmi të veprimeve të Ramës-Doshit dhe bandave të tyre për të vjedhur zgjedhjet. Ato faktojnë masakrën zgjedhore. Këto prova janë vënë në dispozicion të Prokurorisë prej datës 12 Prill dhe ajo deri në këtë moment nuk ka vepruar.
Grupi i hapur me urdhër të Belinda Ballukut dhe i drejtuar nga këshilltarja e saj, në Kabinetin e Ministrit, Laureta Omeri ekzekuton prej më shumë se një muaj skemën e blerjes së votave, duke legalizuar banesa në këmbim të votave.
Ne do të luftojmë me gjithë fuqinë dhe besimin e madh që qytetarët na dhanë në këto zgjedhje, që ta rrëzojmë regjimin Rama-Doshi.
