PD publikoi dokumentet, Prokuroria kërkon shenjat e gishtave të Valdrin Pjetrit

Google+ Pinterest LinkedIn Tumblr +

Pas publikimit të dokumenteve të autoriteteve italiane nga Partia Demokratike, për Valdrin Pjetrin, mësohet se Prokuroria ka lëshuar urdhrin për marrjen e shenjave të gishtave.

Sipas gazetës “Shqip”, Prokuroria e Përgjithshme i është drejtuar Ministrisë së Brendshme, Drejtorisë së Përgjithshme të Policisë dhe Institutit të Policisë Shkencore, nëpërmjet një shkrese, ku kërkon marrjen e gishtave për kryetarin e ri të Bashkisë së Shkodrës, i cili do betohej në 20 gusht.

Në dokumentet e publikuara nga PD, dëshmohet se Valdrin Pjetri ka qenë i dënuar në Itali për prodhim dhe trafikim të lëndëve narkotike.

Këtë dënim, Pjetri nuk e ka deklaruar në formularin e dekriminalizimit.

Kujtojmë këtu se ditën e djeshme, kryeministri Edi Rama reagoi në Twitter duke u shprehur se ligji është i barabartë për të gjithë edhe sikur Pjetri të ishte vëllai i tij. Rrugët e PS dhe të Valdrin Pjetrit u ndanë ditën e djeshme.

Shpërndaje
Share.

Komento