Partia Demokratika ka vendosur të padisë në Gjykatë, kryetarin e Bashkisë së Tiranës, Erion Veliaj, për shpifjet e tij ndaj kreut të PD, Lulzim Basha.
Demokratët pretendojnë se Erion Veliaj, si drejtues i fushatës së PS për Tiranën, ka thënë 3 akuza të pavërteta, duke shpifur për kundërshtarin politik.
Më konkretisht padia konsideron si 3 shpifje të Erion Veliajt akuzat se:
- Kryetari i PD u bë me 4 shtëpi gjatë tërmetit dhe pandemisë
- Kryetari i PD ka përfituar gjatë periudhës së fatkeqësisë
- Kryetari i PD ka ndërtuar kate pa leje.
“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozotë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”- thuhet në padinë e ngritur për shpifje ndaj Erion Veliajt.
/GazetaReforma.com/
