Partia Demokratike do të mbledhin ditën e sotme Kryesinë, e cila pritet të nisi në orën 11:00.
Lajmin e ka konfirmuar Sekretari i Përgjithshëm i Partisë Demokratike, Gazment Bardhi i cili me anë të një mesazhi drejtuar anëtarëve të Kryesisë ka zbuluar edhe diskutimet që do të zhvillohen në rendin e ditës.
“Të nderuar anëtarë të Kryesisë,
Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:
1. Miratimi i metodologjisë së analizës në nivel Qarku, Dege, Grupseksioni dhe Seksione për maskrën zgjedhore të 25 Prill.
2. Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.”, ka shkruar Gazment Bardhi në mesazh.
Kujtojmë se Kryesia mblidhet për herë të parë pas rikonfirmimit të Lulzim Bashës në krye të Partisë Demokratike. Gjithashtu më 13 qershor u mbajtën zgjedhjet brenda PD-së për të zgjedhur kryetarin e ri që do ta përfaqësoj këtë parti. Pas humbjes në zgjedhjet e 25 prillit, pakënaqësitë brenda Partisë Demokratike janë rritur, me shumë figura që kanë kërkuar dorëheqjen e Lulzim Bashës. Përballë tij në garë ishin Edit Harxhi, Agron Shehaj dhe Fatbardh Kadilli. Kujtojmë se Kadilli, Harxhi dhe Shehaj kanë deklaruar vazhdimisht se kjo ka qenë një garë e pabarabartë. Fitues në këto zgjehje doli Lulzim Basha.
