PD dorëzon në SPAK kallëzimin penal: 6 vepra penale në ngarkim të Olta Xhaçkës

Google+ Pinterest LinkedIn Tumblr +

Disa ditë më parë Partia Demokratike nisi një sërë akuzash kundër Ministrisë së Mbrojtjes për tenderin e ushqimeve prej 1.5 milionë eurosh dhe kallëzoi në SPAK ministren e Mbrojtjes, Olta Xhaçka.

Sipas selisë blu, ministria i ka dhënë një tender në kundërshtim me procedurat kompanisë “Eurovia”,  që deri para disa ditësh kishte si objekt aktiviteti vetëm tregtinë e kompjuterave dhe aksesorëve elektronikë.

Së fundmi, me anë të një njoftim për mediat, PD ka bërë me dije akuzat që i ma dorëzuar në SPAK, ku kërkohet nisja e hetimit për ministren e Mbrojtjes, Olta Xhaçka, anëtarët e Komisionit të Vlerësimit të Ofertave në Ministrinë e Mbrojtjes, shoqëria “EUROVIA” shpknj, me administrator Emir Shefiti dhe shoqëria XPERT SYSTEMS sh.p.k., me administrator Renald Gova.

Në njoftimin e PD renditen 6 vepra penale në ngarkim të Olta Xhaçkës:

  1.  “Korrupsioni aktiv i personave që ushtrojnë funksione publike”,
  2. “Korrupsioni aktiv i funksionarëve të lartë shtetërorë”,
  3. “Shpërdorimit të detyrës”,
  4. “Shkelja e barazisë së pjesëmarrësve në tendera apo ankande publike”,
  5. “Korrupsioni pasiv i personave që ushtrojnë funksione publike”,
  6. “Korrupsioni pasiv i funksionarëve të lartë shtetëror”.

Kallëzimin është firmosur nga Sekretari i Përgjithshëm i PD, Gazment Bardhi, dhe ndër të tjera thuhet se Ministria e Mbrojtjes duhet të argumentonte dhe të dokumentonte përzgjedhjen e kandidatëve që ka ftuar në këtë procedurë pa garë.

 

Shpërndaje
Share.

Komento