Prej rreth 3 ditësh, në vendin tonë po qarkullon skandali i shpërndarjes së të dhënave të rreth 690 mijë qytetarëve shqiptarë. Kujtojmë se nga rrjedhja e databazës, në qarkullim dolën ID, numrat e telefoni, targat e 530 mijë makinave dhe rrogat e shqiptarëve.
Ndërkohë pas publikimit të këtyre të dhënave personale të qytetarëve shqiptarë, ka ardhur reagimi i kryetarit të grupit parlamentar të Partisë Socialiste, Taulant Balla. Sipas këtij të fundit, shpërndarja e ID, numrave, pagave dhe targave të shqiptarëve është një ngjarje kriminale.
Kryetari i grupit parlamentar të PS-së, ky skandal do të ketë edhe pasoja sociale dhe është një përpjekje për destabilizim. Ndërkohë Balla ka folur për patronazhistët të cilët bënë bujë në zgjedhjet e 25 prillit. Por pyetjes se sa e kanë shkelur patronizhistët të dhënat konfidenciale,
Balla u përgjigj duke i mbrojtur. Ndonëse përdorimi i të dhënave personale të portalit E-Albania, nga Rama dhe PS në zgjedhjet e 25 prillit u cilësua si një shkelje flagrante e privatësisë së qytetarëve, kreu i grupit parlamentar të PS-së, u shpreh se patronazhistët bënë një punë të shkëlqyer.
Taulant Balla:
Falënderoj patronazhistët që kanë bërë një punë të shkëlqyer, e çdo mbështetës për zgjedhjet e 25 prillit, ishte një fitore historike, Procesi i patronizhimit elektoral ishte si çdo parti tjetër në Europë. Asnjë nga patronazishtët nuk ka shkelur asnjë shkelje ligji apo penale në rast se doni.
