Ditët e fundit situata nga Covid-19 në Berat është përkeqësuar, teksa dje u raportua për 5 raste të reja mes të cilave edhe një infermiere dhe për këtë iu nënshtruan tamponit të gjithë bluzat e bardha në Spitalin e Beratit.
Këtij testimi iu nënshtruan edhe personat e kontaktit të familjarëve të tjerë të punonjëses së bashkisë, vëllait dhe motrës së saj, që rezultuan pozitivë me Covid-19.
Mirëpo, fatmirësisht nga 90 testime të kryera në total një ditë më parë asnjë person nuk ka rezultuar pozitiv.
Sipas Drejtorisë së Shëndetit Publik në Berat, rezultatet e sotme janë inkurajuese për mbylljen e qarkut të infektimeve në këtë qytet dhe mospërhapjen e mëtejshme të rasteve të reja.
Numri total i të prekurve në qytetin e Beratit është 10, të gjithë të regjistruar vetëm këtë javë.
Në rang global, nga fillimi i epidemisë e deri tani kanë rezultuar pozitiv ndaj Covid-19 916 persona, nga të cilët 705 janë shëruar, kurse 31, fatkeqësisht, kanë ndërruar jetë.
