Fitch Solutions, një njësi e inteligjencës së agjencisë ndërkombëtare të vlerësimit Fitch, njoftoi se ka rishikuar në ulje parashikimin për rritjen e Prodhimit të Brendshëm Bruto (PBB) të Shqipërisë.
Në një raport të publikuar së fundmi, Fitch Solutions pret që rënia ekonomike e Shqipërisë për 202 të jetë -5.9% nga -5.5% që ishte parashikimi fillestar. Sipas agjencisë, ku do të jetë niveli ekonomikë i Shqipërisë kur të publikohen parametrat zyrtare për mbylljen e viti 2020.
Sakaq, në raport evidentohet se, faktorë të tjerë që ndikuan në këtë rishikim në ulje janë dobësitë e rishfaqura në Eurozonë pas valës së dytë të pandemisë, çka sipas raportit do të ndikojë në ecurinë e eksporteve.
Sipas parashikimit bazë të Fitch Solutions, në vitin 2021 pritet që ekonomia të nisë rimëkëmbjen, me rritjen që pritet të arrijë në 4.8%.
“Kjo pritshmëri bazohet në vlerësimet e ekipit tonë të Kujdesit Shëndetësor dhe Farmaceutikës, në bazë të të cilit vaksina kundër Covid-19 do të shpërndahet në Europë”, thuhet ndër të tjera në raport.
Sipas tyre, sektori i jashtëm do të përballet nga dobësimi i rritjes në eurozonë, ndërkohë që kërkesa e brendshme gjithashtu duket e kufizuar nga inflacioni në rritje.
Kjo do të dëmtojë fuqinë blerëse dhe potencialisht do të çojë në shtrëngim monetar më herët seç pritej, nënvizon Fitch Solution./Gazetareforma.com/
