Ambasadorja Yuri Kim ka takuar ditën e sotme Enkeled Alibeaj, në Kryesinë e Kuvendit. Ndërkohë që pas takimit, në një mesazh në Twitter shprehet se diskutimi ishte shumë i mirë, ndërsa e njeh atë si kryetar në detyrë i PD-së, duke e cilësuar atë si “ushtruesin e detyrës së kryetarit të PD dhe drejtuesit të grupit parlamentar të PD”.
“Ne e vlerësojmë këtë marrëdhënie dhe rolin e domosdoshëm të PD-së për Shqipërinë, shpresojmë që të dy vetëm të forcohen. Kemi shumë punë përpara për ta mbajtur Shqipërinë në rrugën e anëtarësimit në BE, demokracisë, ndërtimin e bashkëpunimit në mbrojtjen e dhe zgjerimin e mundësive të biznesit dhe ekonomike për të gjithë”, shprehet ndër të tjera ambasadorja Kim.
Postimi i plotë i ambasadores Yuri Kim në Twitter:
Diskutim shumë i mirë sot me Ushtruesin e detyrës së kryetarit të PD dhe drejtuesit të grupit parlamentar të PD, Enkelejd Alibeaj për një gamë të gjerë çështjesh.
SHBA ka pasur një marrëdhënie të fortë, të veçantë me PD që në lindjen e kësaj partie. Ne e vlerësojmë këtë marrëdhënie dhe rolin e domosdoshëm të PD-së për Shqipërinë, shpresojmë që të dy vetëm të forcohen.
Kemi shumë punë përpara për ta mbajtur Shqipërinë në rrugën e anëtarësimit në BE, demokracisë, ndërtimin e bashkëpunimit në mbrojtjen e dhe zgjerimin e mundësive të biznesit dhe ekonomike për të gjithë. Le të vazhdojmë së bashku përpara, jo mbrapa!”
