Presidenti Ilir Meta, pas takimit me ambasadoren e SHBA, Yuri Kim është shprehur se takimi ka shkuar shumë mirë dhe se fokusi i bisedimit ishte Reforma Zgjedhore.
Meta sërish i ka dhënë mesazh opozitës, ku rikthekson se është për një konsenus dhe të mos paraqesin listë dëshirash, por të qëndrojnë qartë në elementë bazikë për të cilat do të kenë edhe mbështetjen e ndërkombëtarëve.
Po ashtu, Meta theksoi se palët duhet të lënë mënjanë arrogancën, për të mbrojtur interesat e qytetarëve dhe për të plotësuar një ndër kushtet e vendosura nga Bundestagu.
“Besoj se mesazhet kanë qenë të qartë. Mesazhi im për opozitën është që të jetë e qartë, të bëjë maksimumin për konsensus dhe të koordinojë sa më ngushtë me partnerët tanë dhe me komisionerët dhe Bundestagun.
Ta shohin me vëmendje reformat në Shqipëri dhe anën substanciale dhe cilësinë e tyre.
Është e rëndësishme që të tregojnë të gjithë vullnet për zgjedhje të lira dhe të ndershme që mos të intimidojnë qytetarët, as më arrogancën e tyre dhe as me hezitimet e tyre,” tha Meta.
Presidenti Ilir Meta i bëri thirrje opozitës që të jetë e qartë në kërkesat e saj sa i takon dialogut për gjetjen e një marrëveshje për reformën zgjedhore.
“Mesazhi im për opozitën ka qenë ky: gjithçka për konsensus.
Mesazhi tjetër ka qenë që të mos paraqesin listë dëshirash, por të qëndrojnë qartë në elementë bazikë, për të cilat do të kenë mbështetje edhe të partnerëve ndërkombëtarë.
Mesazhi i fundit për sot është se qasja e re e metodologjisë së zgjerimit të BE pas propozimit francez e rrezikon jo vetëm perspektivën e integrimit të vendit, por edhe mund të bëjmë hapa pas.
Mund të humbasim edhe cfarë kemi arritur. Bëj thirrje që të jo vetëm mos të humbim drejt rrugës europiane, por edhe të fitojmë më shumë.
Kam pasur vetëm një telefonatë me zotin Basha. Mesazhi im ka qenë që opozita t’ju japë besim qytetarëve shqiptarë”, u shpreh presidenti Meta.
