Dje kryeministri Rama ka firmosur një marrëveshje me Guvernatorin e Bankës Shqiptare, Gent Sejkon, duke shtyrë pagesën e kredive deri më 31 maj 2020, teksa ka thënë se ekspertët po punojnë rreth një plani masash.
“U tha, u bë”! Rama firmos marrëveshjen me Guvernatorin e BSH: Ja çfarë duhet të bëjnë kredimarrësit
Por, zbardhja e vendimit ka zbuluar një kleçkë bën me dije gazetari Ylli Pata për Gazetën Tema, pasi në shkresën e firmosur nga Guvernatori thuhet se shtyrja e kredive me tre muaj i lihet në mënyrë fakultative bankave të nivelit të dytë dhe do jenë ato që do vendosin nëse subjekti ka patur vështirësi apo jo.
Mirëpo, bankat e nivelit të dytë mungesën e të ardhurave për të paguar këstin e cilësojnë si një shkelje të kontratës dhe nisin procedurat përmbarimore pasi ato zotërojnë si peng pasuritë e patundshme që klientët kanë lënë si kolateral.
Kështu, në marrëveshje është firmosur thjesht një riorganizim i kësteve.
Pata shkruan se bankat tek ne kanë fitime shumë të mëdha për një klient për kreditë e banesave , pasi nëse një klientë ka marrë një kredi prej 30 mijë eurosh në vitin 2015, sot ai e ka portofolin e kredisë me 28 mijë euro.
Nëse krahasojmë vendimet e shteteve të tjera me vendimet e qeverisë shqiptare do shihet një ndryshim i madh, pasi në vendin tonë nuk është krijuar asnjë lehtësi.
Kurse në Itali, qeveria ka pezulluar kreditë për 3 muaj, taksën e makinës për këtë vit, siguracionet për këtë vit, taksën e pastrimit dhe të pronës, tarifën arsimore, si edhe ka falur për 3 muaj faturat e dritave.
Rama ka premtuar se të enjten do ketë gati një plani konkret për të lehtësuar bizneset, megjithatë nuk dihet ende se çfarë masash do marrë.
