Deputeti i Opozitës Parlamentare dhe në të njëjtën kohë kreu i komisionit të Shëndetësisë Enver Roshi është shëruar nga Covid-19.Lajmin e fitores së betejës me Covid-19 e bëri vetë të ditur Roshi i cili ishte dërguar në Turqi për një mjekim më të specializuar.
Roshi shprehu mirënjohje të madhe për stafin mjekësor të spitalit ku u trajtua në Turqi.
“Nuk gjej fjalë për të shpehur mirënjohejnne për kujdesin dhe trajtimin mjekësor, ndjehem shumë i emocionuar. Qënia mjek dhe profesor në fakultetin e mjekëssisë por njëkohësisht dhe në politikë më bën ta shoh më gjerë jetën tashmë jo vetëm si njeri i thjeshtë por edhe si mjek. Unë pata fatin që të shpëtoj nga Covid në spitalin tuaj, nuk gjej fjalë për të shprehur mirënjohjen për cilësinë e trajtimit,”– shkruan Roshi.
Kujtojmë se lajmin për gjendjen e tij të vështirë shëndetësore e dha në Kuvend, kreu i grupit parlamentar të PS-së, Taulant Balla, i cili nga foltorja u shpreh se Roshi ishte në gjendje të rëndë. Roshi pati komplikacione në mushkëri dhe për këtë arsye ishte shte shtruar në repartin e terapisë intesive në spitalin “Shefqet Ndroqi”.
