Pas Beratit, Basha emëron drejtuesin politik në qarkun e Kukësit (EMRI)

Google+ Pinterest LinkedIn Tumblr +

Kreu i PD, Lulzim Basha ka caktuar ish-ambasadorin e Shqipërisë në Kosovë Arben Cejku si drejtues politik në qarkun e Kukësit.

Po sot PD, emëroi Tomorr Alizotin drejtues politik në qarkun e Beratit. Ndërsa gjatë ditëve të fundit PD ka emëruar dhe disa drejtues të tjerë si, Edmond Spaho për qarkun e Korçës dhe ish-deputetin Mark Marku në qarkun e Lezhës.

Po kështu, në Durrës është vendosur Edi Paloka, në Elbasan Gazment Bardhi, në Shkodër Helidon Bushati, në Vlorë Bujar Leskaj dhe në Fier Enkelejd Alibeaj.

Ndërkohë  Partia Socialiste shihet si më  e strukturuar përsa i përket menaxhimit të strukturave dhe emërimit të  drejtuesve politik në qarqe, pasi e ka përfunduar kë të  proces që  në  muajin shtator.

Deri më  tani Partia Demokratike nuk ka emëruar ende drejtuesin politik në  qarkun e Gjirokastrës.

Nga shumë  kritikë  të  Partisë  Demokratike, është  theksuar se emërimi i drejtuesve politikë  të  qarqeve, është shumë  i vonuar në  krahasim me rivalët.

Kujtojmë  se edhe emërimi i akademikut Mark Marku, si drejtues politik i PD-së  në  qarkun e Lezhës, pati shumë  reagime pasi u përfol se me përzgjedhjen e tij, për një  “rrëzim” të  punës së  Komisionit të Verifikimit të  Kandidatëve, ku vet Marku ishte anëtar i Komisionit, ku kaloheshin në  “sitë ” kandidatët për deputetë të Partisë  Demokratike./Gazetareforma.com/

Shpërndaje
Share.

Komento