50 vite nga rasti i fundit i diagnostifikuar si i infektuar me kolerë, autoritetet italiane kanë ngritur alarmin, pasi në Sardenjë një person është identifikuar me këtë sëmundje.
Sipas mediave italiane, një i moshuar nga Arbus është identifikuar me sëmundjen e rëndë, pasi shkoi në spital pasi kishte shqetësime para 5 ditësh. Pacienti, i cili vuan nga sëmundjet e zemrës, nuk duhetse kur mund të jetë infektuar, por dyshohet se sëmundjen e ka marrë nga ushqimet e detit.
Sipas raportimeve të L’Unione Sarda, i moshuari i kishte simptomat e para rreth një muaj më parë dhe ky element vështirëson përcaktimin e saktë të momentit të infektimit. Mjekët po kryejnë kontrolle epidemiologjike tek familjarët e pacientit që jetojnë në zonën e Medio Campidano.
Kolera është një infeksion akut diarreal i shkaktuar nga bakteri Vibrio cholerae. Transmetimi i tij ndodh me kontakt oral, direkt ose indirekt, me feçe ose ushqim të kontaminuar dhe në rastet më të rënda mund të çojë në fenomene të rrezikshme dehidrimi.
Simptomat përfshijnë diarre me ujë dhe të vjella. Bakteri i kolerës është kryesisht i pranishëm në ujë dhe mund të kontaminojë ushqime të tilla si molusqet dhe produktet e peshkimit, të cilat, nëse hahen të papërpunuara ose të paziera, mund të transmetojnë infeksionin.
Zhvillimet e vrullshme në Sulltanat!
Nga Klodian Tomorri Të mirat e mandatit të katërt kulmuan këtë javë, veçanërisht në bastionet e pamposhtura që e hodhën votën...
