Partitë politike aleate të opozitës së bashkuar, duket se janë në unison dhe të dakordësuar me njëra-tjetrën përsa i përket datës së zgjedhjeve të reja parlamentare.
Përveç PDIU-së së Shpëtim Idrizit dhe Partisë Republikane (PR), edhe PAA dhe PBDNJ, kanë propozuar tek Presidenti Meta datën më të afërt që lejon Kushtetuta për zgjedhjet parlamentare, 18-prillin.
Arben Tafaj nga PAA gjatë një deklarate për shtyp pas takimit me presidentin Ilir Meta, ka deklaruar se edhe partia Agrare Ambjentaliste (PAA), ka propozuar 18 prillin si datën e zgjedhjeve të ardhshme parlamentare.
Po ashtu edhe kreu i PBDNJ, Vangjel Dule, tha se ka partia e tij ka propozuar datën më të afërt që nga nisja e periudhës zgjedhore.
Më herët edhe kreu i PDIU-së, Shpëtim Idrizi dhe nënkryetari i Partisë Republikane, Arian Madhi, propozuan në Presidencë që për zgjedhjet parlamentare 2021, të caktohet data më e afërt që e lejon Kushtetuta.
