Parlamenti i Holandës ka votuar pro mbajtjes së Konferencës së Parë Ndërqeveritare me Shqipërinë. Lajmin e ka bërë të ditur ministrja e Punëve të Jashtme, Olta Xhaçka e cila shkruan se Shqipëria i ka përmbushur kushtet dhe kjo është një njohje e merituar e çlirimit tonë të reformës.
“Holanda sapo votoi “Po”! Dritë jeshile nga Parlamenti Holandez! Shqipëria ka përmbushur kushtet dhe është e gatshme të mbajë Konferencën e Parë Ndërqeveritare. Një lajm shumë i mirëpritur dhe një njohje e merituar e çlirimit tonë të reformës.”, shkruan Xhaçka.
NL 🇳🇱 just voted “Yes”! Green light from the Dutch Parliament! Albania 🇦🇱 has fulfilled the conditions and is ready to hold the first IGC.
Very welcomed news and a well deserved recognition of our reform deliverance. pic.twitter.com/IcuMK4zHEA— Olta Xhaçka🇦🇱 (@xhacka_olta) June 17, 2021
Kujtojmë që ditën e djeshme Ambasada Holandeze njoftoi se Holanda do të mbështeste hapjen e negociatave për Shqipërinë, pas një kohe të gjatë që kishte kundërshtuar.
“Qeveria holandeze bie dakort me gjetjet e Komisionit Europian, sikurse theksohet në përditësimin e raportit për Shqipërinë. Shqipëria ka bërë progres në fushat prioritare si reforma në drejtësi dhe lufta kundër krimit të organizuar dhe korrupsionit. Gjithashtu ‘track record’-i ka shënuar progres, megjithëse një numër më i lartë dënimesh për zyrtarët e lartë mbetet një ceshtje e rëndësishme për t’u mbajtur në vëmendje.
Qeveria holandeze mundet kësisoj të bjerë dakord për mbajtjen e konferencës së parë nderqeveritare me Shqiperinë, një herë që kuadri negociator të jetë miratuar. Sot, shumica e parlamentit ra dakord që të mbahet konferenca e parë ndërqeveritare me Shqiperinë, pas miratimit të kuadrit negociator. Procedura do të finalizohet nesër, me votimin e mocioneve të mundshme të ngritura nga partitë apo grupet parlamentare”, thuhej në njoftimin e ambasabës.
Ashtu siç edhe u njoftua sot u finalizua procedura dhe Holanda ra dakord për mbajtjen e Konferencës. Kujtojmë që dy vite më parë Holanda “i mbylli” derën Shqipërisë duke mos rënë dakord për hapjen e negociatave.
