Parlamenti grek, pas vendimit të botuar në fletoren zyrtare, ka lënë në fuqi rregulloren dhe vendimin për të mbajtur të pandryshuar gjendjen me kufirin shqiptaro-grek.
Mësohet se deri në datën 30 shtator nuk do të lejohen që të hyjnë turistë nga Shqipëria, ndërsa në pikat kufitare të Kapshticës dhe Kakavijës do të lejohen përkatësisht kalimi i 750 dhe 300 udhëtarëve në ditë.
Ndërkohë do të lejohen vetëm shtetasit grekë dhe ata shqiptarë me leje qëndrimi në Greqi si dhe shtetasit shqiptarë që janë me punë sezonale në Greqi.
Sipas rregullores protokallare anti-covid, të gjithë shtetasit që do të kalojnë, duhet të keni plotësuar formularin, jo me vonë se 24 orë nga dita e udhëtimit,dhe test negativ për covid 19 jo më herët se 72 orë para hyrjes në kufi.
Po ashtu sipas vendimit, të gjithë personat që kalojnë në pikat kufitare dhe aeroportin e Athinës “Elefterios Venizelos”, duhet të qëndrojnë në karantinë 7 ditore në banesat e tyre.
Qeveria greke ka deklaruar se parashikon që t’i shtrëngojë masat dhe brenda vendit, pas rritjes drastike të rasteve të infektuara me Covid. Deri më tani në Greqi kanë humbur jetën 310 persona nga covid-19.
