Parlamenti i Francës ka miratuar legjislacionin që bën të detyrueshme vaksinën Covid për punonjësit shëndetësorë dhe ndalon hyrjen në disa ambiente për personat e pavaksinuar.
Tashmë njerëzit që duan të hyjnë në ristorante, kinema, teatër, muze etj., ose ata që duan të kryejnë udhëtime me trena e aeroplanë brenda vendit, duhet të tregojnë provën se janë vaksinuar ose se kanë rezultuar negative në një test të 24 orëve të fundit. Fillimisht rregullat do të zbatohen për të gjithë të rriturit, por nga 30 shtatori do të fillojnë për të gjithë mbi 12 vjeç..
Dokumente letre ose dixhitale do të pranohen dhe legjislacioni i ri thotë se një dekret qeveritar do të përshkruajë mënyrën e trajtimit të dokumenteve të vaksinimit nga vendet e tjera. Të gjithë punëtorëve në sektorin e kujdesit shëndetësor do t’u kërkohet gjithashtu të fillojnë të vaksinohen deri më 15 shtator, ose të rrezikojnë pezullimin.
Miratimi i legjislacioni vjen në një kohë kur mijëra francezë kanë dalë në protesta për të kundërshtuar masat e reja. Madje disa kritikë thonë se ligji shkel të drejtat e atyre që nuk duan të vaksinohen kundër Covid-19.
Megjithatë, javën e kaluar presidenti Emmanuel Macron prezantoi planin e masave të reja duke urdhëruar që leja shëndetësore të kërkohej për të vizituar kinematë, klubet e natës, muzetë dhe vendet e tjera kulturore.
Masat e reja vijnë në një moment kur Franca po përballet me një rritje të ndjeshme të rasteve të reja me koronavirus për shkak edhe të variantit Delta.
