Dita e sotme do të shoqërohet nga masa ajrore të paqëndreshme që do të përfshijnë thuajse të gjithë territorin. Reshjet e shiut do të jenë me intensitet të ulët, ku do të përfshijnë zonat veri-veriperëndore të vendit.
Era do të arrijë shpejtësi mesatare deri në 8m/sek, e cila përgjatë vijës bregdetare hera-herës fiton shpejtësi deri në 16m/sek. Valëzimi në dete pritet të jetë i forcës 2-4 ballë.
Temperaturat parashikohen 3 deri në 12 gradë Celsius në zonat malore, 7 deri në 19 gradë Celsius në zonat e ulëta dhe 10 deri 19 gradë Celsius në zonat bregdetare.
