Frika nga vaksinimi me detyrim për koronavirusin, dhe idetë që janë shpërndarë për këtë lloj vaksine, kanë bërë që në botë të bien ndjeshëm edhe vaksinimet për sëmundjet e tjera.
Por pjekët dhe shkencëtarët thonë se sëmundja e koronavirusit, nuk është një prej më të rrezikshmeve, por ka mjaftë të tjera që janë shumë herë më vdekjeprurëse.
Sipas mendimit të disa prej tyre, prindërit duhet të jenë më të shqetësuar për fruthin sesa për koronavirusin gjatë këtij dimri.
Kështu ka paralajmëruar një prej mjekëve pediatër më të mirë në Britaninë e Madhe.
Profesori Russell Viner, tha se, do jetë skenari më i keq në rast se do ketë një shpërthim.
Paralajmërimet e tij vijnë në kohën kur thuhet se, vaksinimi i fëmijëve për fruthin ka njohur një rënie prej 20%.
Ai tha se, është më e rëndësishme që fëmijët të mbrohen nga sëmundje vdekjeprurëse, por që mund të parandalohen.
“Jam më i shqetësuar për fruthin sesa për koronavirusin. Këto sëmundje mund të vrasin fëmijët, ndërsa prej koronavirusit ata kanë shumë pak gjasa që të sëmuren rëndë, le më që të vdesin prej tij”.
Fruthi është zhdukur në shumë vende të botës, por mungesa e vaksinimit të fëmijëve nga frika se, vaksina sjell efekte anësore ose autizëm, është kthyer në shqetësim vitet e fundit.
Kujtojmë se, Shqipëria është ndër vendet problematike sa i përket problemit të fruthit.
Kjo epidemi është shumë e përhapur në moshat e vogla, por tani prej frikës nga “autizmi”, prindërit nuk u bëjnë më vaksinat fëmijëve, madje as ato për fruthin, edhe pse ajo është e detyrueshme.
/GazetaReforma.com/
