Policia e Korçës ka arrestuar shkaktarin e aksidentit të rëndë, të regjistruar ditën e djeshme në Leshnicë.
Daniel Hyka, 32 vjeç, drejtonte mjetin “Mercedes Benz”, i cili u përplas me “Golfin” brenda të cilit ndodheshin 5 persona, anëtarë të një familjeje nga Kamza.
Shkak për aksidentin, u bë një parakalim i gabuar i 32-vjeçarit, shkruan “Faxweb”.
Ndërkohë si pasojë e përplasjes, drejtuesi i “Golfit”, Agron Qamo ndërroi jetë, ndërsa 4 personat që udhëtonin me të, mbetën të plagosur.
Njëri prej tyre ndodhet në spitalin e Traumës në gjendje të rëndë.
Të plagosurit janë Fiqerete Qamo 49 vjeç, K. A.10 vjec, dhe Gentjana Akballa, e cila ndodhet në reanimacion.
