Papa Françesku ka bërë thirrje për t’i dhënë fund dhunës dhe ekstremizmit, në vizitën e parë papale në Irak. Papa po bën udhëtimin e tij të parë ndërkombëtar që nga fillimi i pandemisë së koronavirusit. Covid dhe frika e sigurisë e kanë bërë këtë vizitë më të rrezikshme deri më tani, por 84-vjeçari këmbënguli se ai ishte “i detyruar” të shkonte.Ai gjithashtu tha që bashkësia e krishterë në rënie e Irakut duhet të ketë një rol më të spikatur si qytetarë me të drejta, liri dhe përgjegjësi të plota.
Ai shpreson të nxisë dialogun ndërfetar – duke takuar klerikun mysliman shia më të nderuar të Irakut – dhe do të kremtojë meshën në një stadium në Irbil në veri. Rreth 10,000 njerëz personel të Forcave të Sigurisë Irakiane janë vendosur për të mbrojtur Papën, ndërkohë që po vendosen po ashtu oraret e ndalimit për të kufizuar përhapjen e Covid.
“Le të heshtë përplasja e armëve … le të ketë fund të akteve të dhunës dhe ekstremizmit, fraksioneve dhe intolerancës!Iraku ka pësuar efektet katastrofike të luftërave, murtajën e terrorizmit dhe konflikteve sektare shpesh të bazuara në një fondamentalizëm të paaftë për të pranuar bashkëjetesën paqësore të grupeve të ndryshme etnike dhe fetare.”, ka thene Papa
Kryeministri i Irakut Mustafa al-Kadhimi e priti atë në aeroport, me një tapet të kuq, irakianë me veshje kombëtare dhe këngë nga një kor. Qindra njerëz u rreshtuan në rrugën e aeroportit ndërsa autokolona e Papës, e ndjekur rëndë nga motorët e policisë, u nis për në qytet. Por Papa u pa që kishte një çalim të theksuar, duke lënë të mendohet që gjendja e tij ishiatike vazhdon ta shqetësojë.
Si po pritet Papa?
Marrëveshjet e sigurisë janë masive, me Papën që kryesisht fluturon për të bërë vizitat e tij, dhe ndoshta duke përdorur një makinë të blinduar për udhëtime më të shkurtra. Në Bagdadin qendror, tabelat e mirëpresin Papën dhe flamujt e Irakut dhe Vatikanit valëviten së bashku.
Të krishterët e Irakut shpresojnë që Papa t’i ndihmojë ata të kapërcejnë diskriminimin. Në Bagdad, kishte gëzim që ai po vizitonte.
“Ndjej një lumturi të papërshkrueshme. Ne jemi të gjithë vëllezër dhe motra, të gjithë jemi në një dorë. Të gjithë do të përshëndesim dikë të madh, figurën më të madhe, Papën,” i tha Naem Faouzi agjencisë së lajmeve Reuters.
At Martin Ra’ad, një prift i krishterë tha: “Sot, Papa Françesku po realizon ëndrrën që Irakianët kanë pasur për 20 vitet e fundit, duke pritur që ai të mbërrijë në tokën Irakiane.”
Të krishterët në veri po prisnin gjithashtu vizitën e tij. Alla Hana Shaba, i cili iku në Irbil në rajonin Kurdistan të Irakut pasi ISIS pushtoi Rrafshinën e Nineveh në 2014, i tha televizonit Irakian: “Ne duam që Papa të ndihmojë të zhvendosurit të gjejnë një vend për t’u vendosur. Ne kemi humbur shtëpitë dhe paratë tona.”
