Zgjedhjet në Shtetet e Bashkuara edhe pse përfunduan zyrtarisht dhe shumë media madje shpallën edhe si fitues kandidatin demokrat Joe Biden, ende nuk kanë një rezultat të certifikuar.
Por kjo nuk ka shumë rëndësi për Papa Françeskun i cili ditën e djeshme telefonoi presidentin e 46-të të zgjedhur në SHBA.
Papa e falendroi kandidatin demokrat për lavdërimet që i ka bërë për rolin udhëheqës të Papës për të promovuar paqen, ripajtimin, dhe lidhjet që bashkojnë njerëzimin në mbarë botën.
“Joe Biden do të jetë presidenti i dytë katolik në historinë e Shteteve të Bashkuara – i pari ishte John F Kennedy , i cili u ul në Shtëpinë e Bardhë nga viti 1961 deri në vrasjen e tij në vitin 1963″ tha Papa.
Ndërkohë Biden shprehu dëshirën për të bashkëpunuar në bazë të besimit të përbashkët në dinjitetin dhe barazinë për të gjithë njerëzit në çështje si kujdesi për të varfërit e braktisur, për krizën e ndryshimit të klimës, dhe për të mirëpritur dhe integruar emigrantët dhe refugjatët në komunitete.
Disa nga premtimet e Biden-it, si rimëkëmja e SHBA-së, uniteti dhe mjedisi janë në përputhje me Papa Françeskun.
Që kur papati i tij filloi në mars 2013, Françesku është përpjekur të vendosë lidhje midis Kishës Katolike dhe feve të tjera, por këto përpjekje nuk ishin në përputhje me politikat e presidentit amerikan, Donald Trump mbi imigracionin dhe ndryshimet klimatike.
