Gjermania konfirmohet si skuadra më në formë e Euro 2024, pasi arriti fitoren e dytë radhazi në fazën e grupeve, këtë herë ndaj Hungarisë. Në ndeshjen e zhvilluar në Hamburg, “Panzerat” triumfuan me rezultatin 2-0, duke u bërë skuadra e parë që siguron 6 pikë të plota pas dy ndeshjeve.
Ekipi i drejtuar nga trajneri Julian Nagelsmann realizoi nga një gol në çdo pjesë të ndeshjes. Në minutën e 22-të, Jamal Musiala hapi serinë e golave, duke zhbllokuar rezultatin me një goditje të saktë. Në pjesën e dytë, Ilkay Gündogan dyfishoi avantazhin në minutën e 67-të, duke vulosur kështu fitoren për gjermanët.
Kjo fitore e dytë radhazi jo vetëm që e kualifikon praktikisht Gjermaninë për fazën tjetër të turneut, por edhe e vendos atë si një prej pretendentëve kryesorë për të fituar Euro 2024. Ekipi gjerman ka treguar një formë të shkëlqyer dhe një organizim të fortë në të dy ndeshjet e para, duke e bërë të qartë se synojnë titullin kampion.
Në anën tjetër, trajneri i Kroacisë, Zlatko Dalic, pas barazimit 2-2 me Shqipërinë, pranoi se nuk e kishte pritur një ndeshje kaq të vështirë. “Ky është një turne në të cilin është e rëndësishme të kalosh grupin. Nuk e prisnim një ndeshje kaq të vështirë. Ndoshta do të dalim më mirë prej këtyre betejave,” tha Dalic. Kroacia mbetet në garë, me gjithçka që do të vendoset në ndeshjen e fundit të grupit.
Shqipëria, nga ana tjetër, mori pikën e parë në grup dhe do të përballet me Spanjën në ndeshjen e fundit, duke kërkuar të sigurojë një vend në Europian. Ndeshja ndaj Kroacisë tregoi se Shqipëria është një ekip i motivuar dhe i aftë për të sfiduar kundërshtarë të fortë.
