Sëmundjet infektive janë ato më të rrezikshmet, mirëpo kur një personel mjekësor vuan nga to, gjendja është akoma më e jashtëzakonshme.
Nga raportimet mësohet se 5 persona, pjesëtarë të personelit mjekësor të qytetit të Strugës, janë prekur nga fruthi, ndërsa 4 të tjerë ka dyshime se tashmë janë infektuar edhe pse ende nuk është mundur të vërtetohet.
Vet spitali në një deklaratë publike ka sqaruar se të gjithë janë dërguar për trajtim dhe tashmë janë marrë të gjitha masat për parandalimin e përhapjes së mëtejshme tek personeli.
Sipas Alsat, nga sëmundja nuk është prekur vetëm stafi stabël, por edhe ai i emergjencës, deri tani një infermiere dhe një mjek janë duke u mbajtur nën vëzhgim të rreptë, në mënyrë që të mbahet nën kontroll dhe mos të ketë përhapje të mëtejshme edhe tek pacientët.
Mësohet se në të gjitha pavionet e spitalit ka hyrë në fuqi ndalimi i vizitorëve për pacientët, ndërkohë që është duke u punuar edhe për dezinfektimin e ambienteve.
