Ndeshja mes Danimarkës dhe Finlandës është ndërprerë për shkak të një ngjarje të pazakontë, ku mesfushori danez i Interit, Christian Eriksen ka humbur ndjenjat dhe është përplasur në shesh. Gjendja e mesfushorit nuk është aspak e mirë, dhe ndihma e shpejtë po i bënë masazh kardiak në fushë.
Ndeshja është ndërprerë për momentin, ndërsa të gjithë futbollistët janë të shqetësuar dhe të përlotur për gjendjen e Eriksen, pasi gjendja e tij duket e rëndë. të shqetësuar për gjendjen aspak të mirë të futbollistit janë dhe tifozët të cilët kanë ngelur të shokuar. Ndërkohë që në fushë ndodhet edhe gruaja e mesfushorit , Sabinina Kvist e cila është në një gjendje shoku dhe po ngushëllohet nga futbollistët danez. Pas rrëzimit të befasishëm të futbollistit ka qenë arbitri anglez Anthony Francis i cili ka sinjalizuar menjëherë stafin mjekësor që të futej në fushë.
Ndërkohë që UEFA sapo ka dalë me një njoftim zyrtarë ku ka thënë se ndeshja e Grupit B është pezulluar për shkak të një “urgjence mjekësore”.
Ndeshja Danimarkë-Finlandë është pezulluar në minutën e 42-të dhe nuk do të luhet më të paktën ditën e sotme. Ky ishte vendimi zyrtar i UEFA-s pas momentit tronditës kur mesfushori pësoi kolapsin.
Pas disa minutave masazh kardiak, futbollisti u transportua me barrelë drejt ambulancës. të gjithë sport dashësit janë me sy dhe veshë nga të rejat e fundit në lidhje me gjendjen e Eriksen, i cili ndodhet në gjendje kritike.
