Ministri gjerman për Europën, Michael Roth deklaroi në takimin me kryeministrin Rama pandemia i ka ndryshuar të gjithë dhe gjërat janë zhvilluar kryesisht në drejtim pozitiv. Kjo krizë i ka ndikuar të gjithë, tha Roth, prandaj prania e secilit është e nevojshme.
“Pandemia na ka ndryshuar të gjithëve. Ndoshta diçka është zhvilluar në drejtim jo aq pozitiv por shumëçka në drejtim pozitiv. Është një krizë që na ka ndikuar të gjithëve. Çka e bën praninë e secilit prej nesh të nevojshme”, tha ministri gjerman.
Roth deklaroi më tej se për Shqipërinë dhe Maqedoninë e Veriut klima është bërë më pozitive, Ai tha se ka konstatuar vetëm një problem që nuk ka të bëjë me Shqipërinë. Roth tha se ngërçi qëndron te problemet mes Maqedonisë së Veriut dhe Bullgarisë.
“Vendet të cilat janë të drejtuar nga regresioni dhe revanshizmi nuk janë me perspektivë në të ardhmen. Në Evropë kemi një situatë të privilegjuar, ky rajon ndryshon nga ai lindori. Gjendja në vendet e Ballkanit Perëndimor është e ndryshme. Në Lindje nuk ekziston për të gjitha perspektiva e anëtarësimit. Për Shqipërinë dhe Maqedoninë e Veriut klima është bërë më pozitive dhe në kontekstin e pandemisë kemi një perspektivë më miqësore drejtuar vendeve të Ballkanit Perëndimor. Për momentin konstatoj vetëm një problem, por nuk ka të bëjë me Shqipërinë. Është një problem mes Bullgarisë dhe Maqedonisë së Veriut. Ne po e trajtojmë dhe unë kam qenë dje atje për të biseduar si mund të eliminohet një konflikt i tillë”, tha Roth.
