Një aksident i rëndë ka ndodhur ditën e sotme rreth orës 11:10 në rrugën dytësore që lidh Tiranën me Durrësin në afërsi të Vorës.
Një kamion ka përplasur për vdekje një këmbësore ku dhe nga pamjet shihet se qëndron e shtrirë në mes të rrugës pa levizur dhe pa shenja jete. Shërbimet e emergjencës së bashku me forcat e policisë kanë mbërritur në vendin e ngjarjes ku kanë bërë të mundur dhe transportimin e këmbësores për në ambientetet e spitalit, që të merrte trajtimin e specializuar mjekësor por ajo nuk ka mundur t’i mbijetonte plagëve të marra dhe për pasojë ka ndërruar jetë në spital.
Ende nuk dihen motivet e plota të shkakut të aksidentit të ndodhur por policia po punon për zbardhjen e plotë të ngjarjes së ndodhur ditën e sotme.
Aksidenti ka shkaktuar radhë të gjata mjetesh në këtë aks, ndërkohë që edhe policia ka mbërritur me vonesë për shkak të trafikut.
Njoftimi i plotë i Policisë Tiranë:
Tiranë/Informacion paraprak
Më datë 20.09.2021, rreth orës 11:10, në rrugën dytësore Tiranë-Durrës, mjeti me drejtues shtetasin maqedonas V. G, ka përplasur këmbësoren shtetasen D. H., rreth 66 vjeçe, e cila për pasojë ka ndërruar jetë në spital.
Grupi hetimor po punon për sqarimin e rrethanave të aksidentit.
